பின்னோக்கி...........

அடிக்கடி கொஞ்சம் பின்னோக்கிச் செல்வது சுகமே!

நிகழ்வுகளில் கனவு மட்டுமே இதம்.

இப்போது கிடைத்ததை விட முன்பு 

உறுத்திய முட்கள் இன்று 

மலர்களெனத் தோன்றும்!

பழைய உறவுகள் இளமைத் தோழமைகள்-

இன்றளவும் சாகா வரம் பெற்று

பின் தொடரும் - நினைவில் மட்டும்!

மானிட இலக்கியத்தில் ஒவ்வொரு

அத்தியாயமும் புலம்பல் சுவையே!

நிரப்பப் படாத தாள்கள் மெதுவாக

முதுமையின் கைப்பிடித்து -

பின்னோக்கிப் பார்த்தவாறே.............